你平時朝早起身後到出門口之間嘅流程會係點？鬧鐘嘈醒你之後，你匆忙跳落床，衝去廁所小便、梳流，換衫，隨便塞個包入口，然後趕住出門口？
Photo from Pinterest
雖然呢一切聽落好平常，但係專家話你知，其實呢一連串睇落好似好正常嘅動作都會默默咁損害你嘅健康！到底呢啲習慣會點樣危害我地健康呢？
1. 起床動作太大
血壓喺你進入睡眠之後就會慢慢降低，到你訓醒之後又會慢慢回升。 所以如果朝早起身嘅速度過快或者動作太過大，好易會令到血壓突然間飆高，情況嚴重仲可能會引起併發腦血管破裂 ，亦即係所謂嘅「腦中風」。
尤其當冬天，如果你起身之後立即急住由被窩入面走出嚟，就好易會因為溫差而感冒～所以其實你可以喺床到留個大概五到十分鐘，比身體同埋大腦慢慢甦醒，又或者你可以喺床邊放件外套，披著先再落床。
2. 起床後立即排尿
我諗大家都有試過一訓醒教覺得個膀胱就快要爆炸嘅經驗，但係專家話，就算好急都要忍住～唔可以即刻走去廁所。
因為人體喺瞓覺嘅時候代謝率比較降低、心跳減慢、血壓下降，各項生理機能都會運轉得好慢。
| sponsored ads |
|
|
| sponsored ads |
如果一瞓醒就即刻比自己解放， 膀胱迅速排空，就會好易誘發低血壓，引起大腦短暫性供血不足，導致「排尿性暈眩」。
3. 睡醒後馬上進食
起身之後唾液同埋胃液嘅分泌量都會好少，所以如果即刻進食，尤其係一啲好難消化嘅食物 ，好易會導致消化不良～所以建議要先飲杯水，補充睡眠時候所流去嘅水分，同時又可以增加腸胃消化液嘅分泌。
4. 起床不喝水
我地成日聽人話起身之後要飲杯暖水，千其唔好睇少呢杯水，除咗可以潤濕腸道防便秘 、養顏美容、排毒之後，仲可以防治心血管疾病 。
因為朝早嘅血液比較黏稠，好易會形成血栓，長久下來會對心血管造成負擔。起身之後飲杯 200-250 毫升嘅溫水稀釋血液，可以促進血液循環，降低中風同埋心肌梗塞嘅機率。
| sponsored ads |
|
|
| sponsored ads |
5. 立刻摺被子
被上面其實有好多肉眼睇唔到嘅蟎蟲，因為塵蟎喺乾燥寒冷嘅環境當中唔容易生存， 摺好之後嘅被會留有人體嘅溫度同埋汗液，會比到塵蟎一個好舒適的生存環境 。
而人瞓左成晚覺，會排出包含二氧化碳等大量廢氣，吸附喺被上面 。起身之後即刻摺被，會令有害物質積累同埋比機會微生物繁殖，到夜晚瞓覺就會再次比人體吸收。
6. 排便太用力
朝早起身之後血壓本來就高，如果用力排便，血壓就會急速上升。所以千其唔好太過用力去廁所。
| sponsored ads |
|
|
| sponsored ads |
想避免大便乾燥同埋排便唔暢順，除左可以由飲食開始改善，最有效嘅方法就係多啲飲水，尤其係一起身飲一杯水係非常重要。
7. 早餐不要吃太油太鹹，不要只吃沙拉水果
早餐食太高脂肪同熱量嘅食物，對普通人會帶來肥胖危機，而對高血壓患者嚟講，就會係造成冠狀動脈粥樣硬化嘅幫兇。但係專家都唔建議只係食蔬菜同埋水果，因為有啲水果就例如香蕉、柑橘類會對腸胃有較高刺激性，不適合空肚食。而蔬菜，雖然健康但熱量唔夠，要攝取適量澱粉，才會有足夠活力工作。
8. 早起到戶外運動
喺秋冬季節，室內同外面溫差會好大。
| sponsored ads |
|
|
| sponsored ads |
當受到寒冷溫量刺激，會令到早上本來較高嘅血壓上升得更加快，增加腦血管意外嘅風險。研究亦有指出，好多人認為朝早空氣比較適合運動嘅觀念其實係錯， 早上嘅空氣反而會比傍晚更加污糟 ，所以要運動就應該揀喺下晝！
文章來源: http://www.oprah.com/health/bad-morning-health-habit-morning-health-mistakes/all
1331 觀看 
