生完Jasper依然keep得好！火辣媽咪應采兒凍齡保養4式

首頁

Love分享

觀看數：1163 人

好多女性生完BB之後都話修身好難，丁丁就靠一套沐浴方法好輕易咁修身～首先係用花灑噴出強勁水流對住有贅肉嘅地方不斷沖洗同按摩。

生完Jasper依然keep得好！火辣媽咪應采兒凍齡保養4式 觀看數：1163 人

生完囝囝Jasper依舊美麗！應采兒減肥保養方法大公開～誰說當了媽媽就不能漂亮！？

應采兒丁丁一向都身材窈窕，即使陀住囝囝Jasper嘅時候都依然keep住好身材～生完之後仍然好似少女一樣～到底呢位靚媽係點幫自己保持最佳狀態呢？

1.拔罐加刮痧排毒

丁丁對中醫調理好有心得，佢認同拔罐同刮痧可以祛濕排毒，消除身體入面積存嘅廢物～而拔罐就可以疏通血絡，利用真空吸除身體穴位附近嘅毒素！

Photo from 應采兒@Weibo

2.血型減肥法

娛樂圈入面有好多女星都會根據血型去減肥，丁丁係其中之一～佢血型A型，以食食素為主，佢話血型減肥真係好work～A型血天生食肉獸，要減磅嘅話就要多食新鮮蔬菜、豆腐、魚類、穀類、豆類。網上雖然有唔少血型食譜，但建議大家都係請教營養師幫忙！

Photo from 應采兒@Weibo

3.產後靠沐浴修身

好多女性生完BB之後都話修身好難，丁丁就靠一套沐浴方法好輕易咁修身～首先係用花灑噴出強勁水流對住有贅肉嘅地方不斷沖洗同按摩。之後就係搓擦，令到血液循環，幫助消脂。最後就可以試下浸浴，坐喺浴缸入面用暖水浸泡5至10分鐘，會有助避免脂肪積累！

Photo from 應采兒@Weibo

4.高溫瑜伽配合游泳

丁丁仲好鐘意做高溫瑜伽，訓練較為辛苦，不過有助血液循環同鍛練肌肉，仲有意想不到嘅豐胸效果！丁丁仲會配合埋游水，等肌肉變得更加結實，難怪完全無變肥嘅機會！

Photo from 應采兒@Weibo

5.練習TRX

佢間唔中仲會拉老公陳小春去做運動，兩公婆會揀TRX （Total Body Resistance Exercise）訓練，係一項全身肌肉訓練，透過活動全身肌肉，去提升肌肉力量。TRX唔會用到啞鈴或者其他運動器材，係要用自己嘅體重做阻力，進行負重訓練，適合任何年紀嘅人。